亞蘇爾 (形點) (Closed)

見呢間餐廳話自己係澳門葡國菜，一於試吓。以前成日過大海食好嘢，葡國菜我都食唔少，當中好多又有特色又公認好食嘅，而家無得去澳門玩嘛。我叫中午餐就⋯⋯無澳葡特色。可能單叫會有澳葡特色掛⋯⋯我話曬都係意大利食過唔少意粉，bolognese 我就係Bologna 都食過，好味嘅bolognese 我覺得係d肉同茄要好新鮮。新鮮呢方面佢算真係做到👍🏻！！當然意粉麺質又唔會及得上意大利啲手製。但係係香港，質素能接受的肉醬意粉絕對唔多，由於d肉似係幾新鮮的感覺，呢個我個人認為係絕對可接受！👍🏻👍🏻 不過咁，我對Bolognese 要求係幾高嘅，所以係香港極少食。而呢個真係算係唔錯！環境方面，採自然光，勁chill！薯仔湯，幾足料幾用心107.8一位，唔係話好平，不過而家出街食飯坐得好少少都過百。