Cow Bean (TKO Gateway) (Closed)

經過見到呢間嘢， 價錢又唔係貴， 啲圖片又好似大件夾抵食， 於是就走入去試下。 三個人食咗個澳洲西冷牛扒300g、 全日早餐(All day Breakfast)、帶子意粉。環境還可以， 普通一間餐廳，不過，定位就有啲怪， 又要做日式， 但係又有澳洲牛扒紐西蘭牛扒同埋和牛， 但係成個格局， 就好似花園餐廳咁，只不過係多咗啲日文係啲裝修到。「澳洲西冷牛扒300g」牛扒係好厚，一定飽， 出嚟大概五成熟，但係肉汁唔算多，感覺冰鮮，完成解凍冇幾耐咁。 不過牛肉都唔算太硬同埋唔會有好多肥膏同埋筋，尚可接受。「全日早餐(All day Breakfast)真係一個早餐嘅款式， 半塊多士，黃豆少許，荷包蛋兩隻，雞腸兩條，小雞扒一塊， 相信呢一個格局都好難講得出美味與否，飽肚便可。「帶子意粉」帶子唔算少，意粉亦多， 一般茄汁意粉味道。