Video
Read full review
2022-05-07
309 views
呢間一定係我食過最難食嘅西餐廳，大半年前同男朋友週年紀念諗住食餐好，上openrice望到呢間個menu幾吸引，又有咁多好評諗住試下，點知就係惡夢嘅開始。我地去到餐廳因爲冇訂位，職員同我地講1個鐘後要交枱，我地都ok。首先講餐廳環境，現場絕對冇openrice相睇落咁chill，我地坐喺走廊邊二人枱，個位窄到好似夾硬加落去咁，張枱又細，結論就係坐得唔舒服。上菜速度係極慢，坐低之後我地5分鐘就叫野食，落完單居然等咗差唔多五個字先有野食。但當時餐廳其實唔算多人，未到繁忙時間。啲侍應又好似烚烚下咁，要杯水都叫咗兩三次先俾到。重點要講食物1. Nachos (Doritos??) (打劫$45) 一坐低就會俾兜nachos你，但就水都冇杯。一食落口就feel到似係馬莎賣嗰啲一包包。當你喺一間價錢都唔平嘅餐廳食到supermarket買到嘅零食，係感覺好奇怪。埋單先知dllm呢兜野竟然收我$45，而喺埋單之前係冇任何職員同我地講過要收錢，餐牌亦都冇寫。2. 安格斯牛肉他他配香脆鍋巴($158) 我之前未食過牛肉他他，唔知應該要係咩味，但絕對唔係呢個味。因爲呢pat牛肉，係完全冇味㗎，連少少牛
我地去到餐廳因爲冇訂位，職員同我地講1個鐘後要交枱，我地都ok。
首先講餐廳環境，現場絕對冇openrice相睇落咁chill，我地坐喺走廊邊二人枱，個位窄到好似夾硬加落去咁，張枱又細，結論就係坐得唔舒服。上菜速度係極慢，坐低之後我地5分鐘就叫野食，落完單居然等咗差唔多五個字先有野食。但當時餐廳其實唔算多人，未到繁忙時間。啲侍應又好似烚烚下咁，要杯水都叫咗兩三次先俾到。
重點要講食物
1. Nachos (Doritos??) (打劫$45) 一坐低就會俾兜nachos你，但就水都冇杯。一食落口就feel到似係馬莎賣嗰啲一包包。當你喺一間價錢都唔平嘅餐廳食到supermarket買到嘅零食，係感覺好奇怪。埋單先知dllm呢兜野竟然收我$45，而喺埋單之前係冇任何職員同我地講過要收錢，餐牌亦都冇寫。
2. 安格斯牛肉他他配香脆鍋巴($158) 我之前未食過牛肉他他，唔知應該要係咩味，但絕對唔係呢個味。因爲呢pat牛肉，係完全冇味㗎，連少少牛騷味都冇。相反下面舊米通就甜到hihi，又硬過我條命，我都唔知個賣點喺pat牛度定喺塊米通度。
3. 龍蝦汁大蝦海鮮闊條麵($148) 簡單描述: 蝦肉👉🏻霉過梅媽媽 汁👉🏻死鹹唔鮮 麵👉🏻一夾上嚟就斷 結論👉🏻難食
4. 西班牙慢煮和牛面肉 ($198) 舊牛講唔出有啲咩大問題，但就係好奇怪，無論味道定口感。啲汁嘅味係寡到食完一舊就唔想再食。呢碟野嘅薯條係我食過最難食嘅薯條，衰過茶餐廳，似唔知幾耐之前炸定等有order就攞出嚟俾你班傻豬食。
呢餐飯真係破壞咗我嘅週年紀念，諗起都嬲
Post