Video
Read full review
2023-07-14
21 views
今日同朋友行完旺角Moko，附近商場都食到厭晒，又想食下日本嘢，所以就搵咗間附近嘅居酒屋食下好西~佢鋪內嘅裝修喺日本風，環境都算舒適寬躺，食物種類繁多，同朋友一路食嘢飲嘢一路吹水都唔錯👍🏻蟹膏冷豆腐 $38蟹膏味道鮮甜香軟細膩，配上滑豆腐更加突出到蟹膏嘅味道，係個幾開胃嘅前菜～炸枝豆春卷 $38春卷金黃香脆，入邊配上枝豆令到食落去感覺唔會好油膩，唔錯～汁燒牛肋條 $68燒物方面我哋叫咗個汁燒牛肋條，牛肋條食落去，肉質腍滑爽口，幾有口感，加上日式醬汁佐味，令到佢更加好食。飛魚刺身 $300出去西貢釣魚就成日見到飛魚，但就真係未食過佢嘅刺身。見到呢間鋪有飛魚刺身就叫咗嚟試吓飛魚刺身原條上，胸鰭展開令擺盤都相當精美。飛魚生肉質緊致同爽彈，加少少檸檬汁，更加可以提到佢嘅鮮味出嚟，而且以我所知飛魚都幾多骨嘅，所以要做刺身就要另外取刺，工序都好繁複。馬糞海膽和牛煲仔飯 $188呢個煲仔飯，店員會首先幫你用爐仔加熱，而煲仔飯可以選擇要唔要飯焦，要就等多8-10分鐘，我哋當然要啦。當時間差唔多到，店員都貼心主動幫我哋打開煲蓋同將醬油同飯撈勻~ 一打開煲蓋立即香氣撲鼻落，食落去馬糞海膽甘甜，質感細膩，而
佢鋪內嘅裝修喺日本風，環境都算舒適寬躺，食物種類繁多，同朋友一路食嘢飲嘢一路吹水都唔錯👍🏻
蟹膏冷豆腐 $38
蟹膏味道鮮甜香軟細膩，配上滑豆腐更加突出到蟹膏嘅味道，係個幾開胃嘅前菜～
炸枝豆春卷 $38
春卷金黃香脆，入邊配上枝豆令到食落去感覺唔會好油膩，唔錯～
汁燒牛肋條 $68
燒物方面我哋叫咗個汁燒牛肋條，牛肋條食落去，肉質腍滑爽口，幾有口感，加上日式醬汁佐味，令到佢更加好食。
飛魚刺身 $300
出去西貢釣魚就成日見到飛魚，但就真係未食過佢嘅刺身。見到呢間鋪有飛魚刺身就叫咗嚟試吓
飛魚刺身原條上，胸鰭展開令擺盤都相當精美。
飛魚生肉質緊致同爽彈，加少少檸檬汁，更加可以提到佢嘅鮮味出嚟，而且以我所知飛魚都幾多骨嘅，所以要做刺身就要另外取刺，工序都好繁複。
馬糞海膽和牛煲仔飯 $188
呢個煲仔飯，店員會首先幫你用爐仔加熱，而煲仔飯可以選擇要唔要飯焦，要就等多8-10分鐘，我哋當然要啦。當時間差唔多到，店員都貼心主動幫我哋打開煲蓋同將醬油同飯撈勻~ 一打開煲蓋立即香氣撲鼻落，食落去馬糞海膽甘甜，質感細膩，而和牛肉質柔軟，紋埋細緻，加上油花令到個煲仔飯好香，好食😋
Post
