御前牛盛日式涮涮鍋 (Closed)

今日朋友話要去涮下個胃，於是又要上Openrice搵吓有乜好介紹，咁啱搵到御前牛盛，地點方便就腳，價格相宜。呢度的調味吧，絕對唔會因為細細的店面，而隨便Hea你，而且仲有新鮮雞蛋俾你，不得不推！！因為今晚為了涮胃，所以刺身只是淺嘗少許，點了虎蝦、甜蝦、象拔蚌、鮑片、松葉蟹棒…………材料新鮮，選擇又多。東京番茄龍蝦湯/日本壽喜燒湯，只要加18蚊就可以一鍋兩味，難得一試，點可以慳。龍蝦湯底上場時，啲震撼感真係無法形容，一大個龍蝦頭咁上，令你一路涮，一路保持龍蝦的味道，再配上新鮮蕃茄，真係仲有乜要求。為咗可以享受食物的原味，專登配了壽喜燒湯底，湯底調味得宜，不失為一個好拍檔。肉類選擇不少，有美國進口牛肉片、加拿大牛肩胛、鹿兒島豚肉片，款款都係有質量的材料。再配上牛舌、日本海參、活海蜆、日本廣島蠔、海中蝦、帆立貝，全部都是用料新鮮，又是特別的材料。再加上一些火鍋的配料，個胃炒FULL。