苑記粉麵茶餐廳

Open Now

Now Closed

其實大埔係有兩間，唔知點解就係覺得呢間牛腩，係比另一間好食。記得上次食另一間嘅時候啲魚皮係硬到咬唔開，但係呢間就好鬆脆。而且啲牛腩望落去一絲絲好似好嚡咁，但係食落去又好淋滑。腩汁底都算濃郁，再加埋個辣椒油將成件事升華咗。同埋呢間又大啲，又闊落，坐得舒服好多。下午茶唔係繁忙時間一個人坐一張卡位都唔太過分。不過炸魚皮個份量就少咗啲，可能係因為跟碗粉加錢嗌。而唔係完整叫一份嘅關係。同埋呢間又近街市啲，食完下午茶行過去直接買埋餸超方便。