橘焱胡同燒肉夜食 (Closed)

已經想試呢間好耐但無咩機會，今次終於試到了。用餐時間兩小時，晚市應該只做兩輪。我地三個女仔開頭叫左5樣，見上碟既時候細細碟，其實有一刻覺得有d 小貴。但佢貴係有佢既道理。因為佢地會幫你燒埋同會建議燒幾成熟，所以你只係坐喺度同朋友吹水就夠。每燒完一樣就換燒烤架：好衛生但其實又好唔環保。幾乎牛類都係稍以鹽略醃所以好夠牛味。鹽蔥牛舌，薄切的，上碟時侍應會券埋d 蔥一齊上。去骨奶油雞腿肉，雞肉同奶油分開燒。奶油之中會➕蒜蓉。純血和牛扇子肉，薄而牛味重。真心喜歡。綜合野菜，肉食得多都會膩。食點菜吧！梅花豚扇排，可以唔叫。無味的.......食完呢5樣其實覺得唔夠喉～ 再叫左胡麻水菜沙拉，台灣墨魚香腸同埋老饕牛排。胡麻水菜沙拉其實同一般日式沙律無咩分別。重點在墨魚香腸！ 見個名幾得意就叫左～ 墨魚滑做基本+墨魚肉粒再搵層衣包住上。雖然燒到有d 燶，但都值得推！加埋個老饕牛排做結尾，A5和牛，係得既但我個人有d 掩尖：嫌有d 韌。好～ 總結～ 埋單位位$360。比我想像中平！因為燒埋比你仲每燒完一樣嘢就換燒烤架，仲換碟。誠意十足。