禮賓傅 (Closed)

此禮賓傅非彼禮賓府,此禮賓傅既廚師的確係真。禮賓府既前主廚,所以呢度先叫禮賓傅~佢嘅晚餐係有二人餐嘅,但係中間有一兩個item唔係咁啱食,所以我哋決定散叫!先來個燕窩釀雞翼,嘩!真係不得之了雞翼脹卜卜咁入邊全部都係燕窩係全部都係燕窩!!雞翼炸到非常之香脆,燕窩又晶瑩剔透咁樣,真係好好味!之後嘅必食推介一定係鵝肝蝦多士,成個賣相非常之精美,原隻蝦係多士上面,鵝肝就係蝦同埋多士中間,火候啱啱好,加上佢有少少已經調味嘅味粉係上面,蝦頭都唔浪費,炸埋一齊擺碟!呢一件要用刀叉品嚐嘅蝦多士,真係一流!天氣凍冰冰咁,飲番個燉湯滋潤一下先,今日我揀咗花膠螺頭燉湯,都好大盅下,熱辣辣,花膠都有兩三件大嘅,又夠厚身,加埋螺頭嘅鮮甜,飲完個湯之後成個人暖晒!麻婆和牛豆腐,和牛切丁粒,係有口感嘅,豆腐非常之滑,又唔係好辣,唔使一定要有個白飯嚟送都得,麻婆豆腐都可以變高級嘅菜式!聽講呢度嘅禮賓傅炒飯非常之出名,但係我哋人少食唔到一份咁多,侍應就話其實可以幫我地安排做半份都得,非常之貼心!炒飯入邊有蝦鮑魚,魚等等嘅海鮮粒,加埋濃郁嘅醬油味,濕濕地之餘又唔會太黏糊糊咁,真係幾飽都仲想再食啊!最後要多個合桃露湯丸,合