小排檔懷舊車仔麵 (Closed)

好食而又平嘅車仔麵真係要數返細細個屋企樓下嘅小檔，但而家香港地租金貴，要食到又平又好味嘅車仔麵已經好難！但我就係深水埗搵到呢間小排檔，睇睇餐牌一個餸麵係幾蚊，即刻坐底試試！地方唔算好大，但店面好乾淨 有水提供，好貼心 點左油麵，大腸好肥 ，但好乾淨！仲有牛腩都好入味，肉質唔會太硬。自家製菜脯，偏酸唔算太辣，好咬口！豆漿都只係加兩蚊，而且中意食辣嘅可以試下咖哩同麻辣汁嘅配搭，食落味道層次多好多，好味！