Video
Read full review
2025-03-01
150 views
嚟之前睇咗呢間cafe的食評，有啲標題寫住「世一」，雖然評價有好有壞，但樓上cafe賣意粉賣到有呢個「朵」，都算巴閉~睇食評，有啲話要訂位，否則可能等成個鐘，真人實測後，覺得walk in都可以。星期六1300嚟到，目測只有2檯客。不過，坐咗2個半鐘，cafe keep住有客，仲越嚟越多，露台座位「無縫」翻檯，所以訂咗位會安心啲。2個人點咗2客意粉同2杯飲品，食物、飲品一律單點，冇任何套餐或優惠。香辣蒜片手工圓粗麵：全店最平的手工意大利麵（$128），看似亦係唯一的麵類素食（基本上，餐牌上冇乜食物啱素食人士）；蒜油香，微辣，開胃；蒜片煮到淋身，蒜香突出、惹味；意大利麵有嚼勁，軟硬度適中；呢款意大利麵好basic，但煮得好唔容易，佢令人印象深刻，我都想有機會再食忌廉明太子配手工圓粗麵：上檯時覺得佢好醜樣，成大pat醬，顏色又古怪（望落似嘔吐物），醬汁浸過大部分的意大利麵，聞落經已覺得好腥；可能我食素，所以覺得好難接受；因為想試下味，所以撩咗條意粉試食，食落都係腥；不過，點餐的朋友好滿意，食曬啲意大利麵之餘，仲清埋醬汁，佢自稱鐘意明太子，所以，明太子愛好者應該會喜歡，只係我唔識欣賞Dirt
睇食評，有啲話要訂位，否則可能等成個鐘，真人實測後，覺得walk in都可以。星期六1300嚟到，目測只有2檯客。不過，坐咗2個半鐘，cafe keep住有客，仲越嚟越多，露台座位「無縫」翻檯，所以訂咗位會安心啲。
2個人點咗2客意粉同2杯飲品，食物、飲品一律單點，冇任何套餐或優惠。
香辣蒜片手工圓粗麵：全店最平的手工意大利麵（$128），看似亦係唯一的麵類素食（基本上，餐牌上冇乜食物啱素食人士）；蒜油香，微辣，開胃；蒜片煮到淋身，蒜香突出、惹味；意大利麵有嚼勁，軟硬度適中；呢款意大利麵好basic，但煮得好唔容易，佢令人印象深刻，我都想有機會再食
香辣蒜片手工圓粗麵
$128
0 views
0 likes
0 comments
香辣蒜片手工圓粗麵
$128
0 views
0 likes
0 comments
忌廉明太子配手工圓粗麵：上檯時覺得佢好醜樣，成大pat醬，顏色又古怪（望落似嘔吐物），醬汁浸過大部分的意大利麵，聞落經已覺得好腥；可能我食素，所以覺得好難接受；因為想試下味，所以撩咗條意粉試食，食落都係腥；不過，點餐的朋友好滿意，食曬啲意大利麵之餘，仲清埋醬汁，佢自稱鐘意明太子，所以，明太子愛好者應該會喜歡，只係我唔識欣賞
明太子意大利麵
$138
0 views
0 likes
0 comments
明太子意大利麵
$138
0 views
0 likes
0 comments
Dirty：計埋加一，成>$50/杯，份量細，自己都沖到，冇特別，飲水好過
Dirty
$46
0 views
0 likes
0 comments
奶蓋桂花鮮奶烏龍茶：賣相幾夢幻，係好淺的藍色，至於點解係淺藍色就諗唔通；飲品上檯時，杯邊冇抹乾淨，滴咗一pat奶蓋出嚟，唔小心hi到就整污糟手；其實抹乾淨先送餐係好基本，唔知點解侍應咁疏忽？
整體嚟講，cafe的意大利麵幾出色，食物話平唔平，話貴唔貴，不過，份量的確偏少，只係口味唔錯。環境方面，坐露台座位感覺舒服（尤其而家呢種天氣），室內就昏暗啲，而廁所都算乾淨企理。臨走時，見到cafe門口側邊放咗麵粉同製麵工具，都好明顯係手工意大利麵，不過，比起早前食過的手工意大利麵小店，佢連麵糰都係人手搓，咁呢度始終有機器輔助，感覺又冇咁「手工」。最後，服務方面，有啲評價話要self-serve，我冇遇到呢個情況，原本我坐室內，落單前同侍應講話想轉出露台，對方即時回答冇問題，仲馬上幫忙拎水杯；喺用餐過程中，侍應又不時出露台幫食客加水；埋單時，雖然係自行到收銀處俾錢，但收銀處近大門口，係離開時的必經之路，所以唔算麻煩。唯一可能係，個侍應較內斂，少笑容，可能咁樣而有誤會？午市的人均消費近$200，少貴，不過，考慮埋環境，都可以接受既（下次唔會點飲品喇~~）
Post
