古早味原住台灣 (Closed)

雖然飛台灣好近，但係有時都會好想食台灣嘢，咁啱去k11，發現對面開咗間好似幾好食嘅台灣嘢，就去試下啦 台灣嘅甜不辣簡直係我最愛無論係炸嘅定係鹵水嘅，而呢度嘅係炸甜不辣，外脆內軟，夾埋個甜酸醬超好食😆 花枝蝦餅外脆又彈牙，點埋個雞醬好惹味🤤 紹興醉蝦賣相好吸引，啲蝦隻隻都好大隻，入口好濃嘅酒香，蝦頭有膏，肉質彈牙，妙🤤 叫咗個羊肉爐，有醬料提供，承惠每位18蚊，唔食醬料都要畀🙂 材料豐富嘅羊肉爐，有菜 木耳 枝足，當然仲有主角羊肉。羊肉嫩滑帶點騷味，比我想像中好食。 個湯先係重點，一啲都唔油膩，飲落口仲好暖胃，飲左幾碗🤣 點少得響鈴嚟吸湯汁 加埋一，466蚊，食到捧住個肚走。😈