蛋哥 (Closed)

觀塘工業區出名多隱世小店，而呢間都唔例外😬 餐廳以雞蛋為主題，提供多款蛋料理嘅港式美食，更有各種健康/邪惡類型任君選擇，適合大眾人士享用～ 裝潢較簡約，環境乾淨，價錢亦夠親民化，經過可以一戰🤪主菜要咗雞肉椰菜花飯同特濃沙爹牛麵配奶油豬同太陽蛋，雞肉切到細細粒，肉質軟嫩，椰菜花有咬口，雞蛋碎鹹度適中，整體口感豐富，簡單又健康😛 沙爹牛大大塊，醬汁偏鹹，麵底軟硬度剛好，搭配經典嘅奶油豬同太陽蛋簡直係完美～ 另外奶茶紅豆冰、脆爆奶茶同紅豆冰都唔錯，可以request甜度同冰量，大大減低邪惡感😈小食都叫咗幾款試試，秘汁炸雞有成四大塊，外脆內嫩，有肉汁而且食落啖啖肉～ 脆皮雞翼果然名不虛傳，外層超級無敵酥脆，幸福感滿滿🤪 想食菜嘅就可以嗌埋是日炒雜菜，椰菜花配西蘭花，幫助消化😌 而個人就私心推介牛油果蝦仁蛋餅同黃金西多士，雖然兩款嘅菜式都較為普遍但味道十分驚人，下次必定會encore呀👉👈