嚐麥手作

Open Now

Now Closed

聽講好食嘅Bagel 係界乎餅乾同麵包之間，外皮脆口，內裏厚實鬆軟，但未咬果陣，係硬到拎黎掟你，都會痛嘅！嗯⋯ 咁我食緊嘅⋯ 應該就真係唔係Bagel，而係改良咗嘅Bagel？所以係叫貝果先啱？呢款貝果包嘅優點係：每一口都好實在嘅，要慢慢細嚼。一啖咖啡一啖包，大概就會令人有跑肚感了。另外，呢款貝果仲加咗紅莓乾入去，每咬一口都會有少少甜味混入麵粉內，比傳統嘅提子包好味，又唔似丹麥條咁，會令人渴喉，不失為空氣包以外嘅選擇黎嘅！進入店果一刻，你唔會一眼就認出佢係嚐麥麵包店⋯ 都係依家啲新開餅店好Hit 嘅配搭色調，類似日系和台系色調之間咁，白色燈光，白色的牆身，木色的貨架。而佢哋每個包都預先入袋，以確保衞生，拎果陣都好方便。