Le Grande Bleu (Closed)

星期六晚同老公去跑馬地新開既Le Grande Bleu食浪漫西餐。我地叫左Signature Set，有六道菜，再叫左汽水。羊肚菌忌廉蘑菇湯蘑菇湯好濃稠，飲到一粒粒既口感，好飲。手工黑松露帶子酥酥皮包住黑松露同帶子，酥皮好鬆化，帶子彈牙。慢煮鮮鮑魚鮑魚軟腍得黎又煙韌，伴鮑魚肝汁一齊食更濃味。白花膠花膠腍到唔駛用刀都分開到，一定要伴法式藜麥白汁食，同花膠好夾。新派意大利飯有魚籽醬、燒汁鮑魚、三文魚籽三款，要順次序左至右食，分別用上忌廉汁、鮑魚汁、自家製白汁，亦採用正宗既意大利飯，比較硬身有咬口。手工鵝肝雪糕一入口好滑身，跟住鵝肝味就會出現，最後留有餘韻，好特別。汽水叫左Zero同雪碧。