意粉廚房

Open Now

Now Closed

我偏食，就算係要做返幾多exercises都情願先要飽口福。今年，更加發願要盡試香港西餐中嘅磨菇煙肉意，點解？因為我真係好鍾意食磨菇同煙肉。今次試意粉廚房嘅磨菇煙肉意，佢仲加咗蛋汁，都算係肯花多少少心機，而且原來效果都唔錯，比起芝士或白汁，有多一份層次，而且好似無咁膩。呢間餐廳食過幾次，中規中矩，但坐得舒服，性價比算高，至於碟磨菇煙肉意，個賣相就唔多理想，但食落就水準以上，磨菇同煙肉份量同比例適中，有趣嘅係，D汁雖然望落去好濃，但食落清清哋，又唔似係因為蛋汁先會咁，原因不明。順便提一提杯餐飲，我覺得係比得上茶記，呢個值得加分。