千羽堂 (Closed)

係上堂之前，要嗱嗱臨搵一間餐廳食飯，然後棟野唔係話有好多餐廳，呢間睇落去都幾幾ok咁，所以就try try佢。佢入邊都幾舒服，光線充足座位舒適，係中上之選。我同朋友就叫咗個滑蛋豬扒飯同埋野菜餃子拉麵。我淨係記得影豬扒飯唔記得影拉麵。豬扒飯來講佢真係炸得幾鬆脆，而且啲飯都好多汁，所以佢嘅豬扒飯係幾好食㗎。佢有埋前菜沙律同埋甜品，係忌廉泡芙，加埋麵豉湯，係一個好好嘅日式full set。個餃子拉麵個餃子其實好脆，可惜冇影到相，不過可以改善嘅就係個拉麵有少少鹹，雖然我係有一直加七味粉，唔知關唔關事呢，所以係幾適合啲重口味嘅人。