Video
Read full review
2021-01-03
2197 views
經歷左成年既疫情，屈左成年無得去旅行。加上報復式消費，係香港每一個角落簡直多人到爆呀，想搵間cafe打下卡，或者舒舒服服咁座係餐廳食野既時間簡直係星期六日既一大挑戰。每次放假想搵個地方放下空真係好難。但竟然係錦田，竟然比我搵到一間充滿著泰國既味道餐廳，佢地既裝潢令我不得不回味係泰國既小島靜靜地咁望下海吹下海風咁hea左一個晏就既感覺。一入門口就見到個停車場可以比揸車既朋友泊車。（好方便揸車既朋友呀，唔洗周圍搵地方泊車不過無車既朋友，可以參考我既方法就係搭巴士64k,到時係東邊路落，落車行無幾步就見到旦王花門口啦（架車係元朗（西）開去大埔墟火車站，中間會經過錦上路、太和，所以都好方便咖）我入去個時都好晏但裏面既員工竟然都照比我地入去。佢地好快咁帶我地入座同埋揀野食。員工好有禮貌，雖然我地好晏入去但佢地都不時問我地有咩需要。咁我叫左個香濃茄汁燴雞配左蒜蓉烤餅，燒魷魚，同埋燒豬頸肉。首先黎到係香濃茄汁燴雞先，聽員工講係印度咖哩煮法，會將啲材料搵機打爛哂先拎去煮咖哩汁，所以除左啲汁就剩反啲雞。食咖哩既精華就係佢啲汁所以點可以唔叫埋烤餅食，先可以充分咁索哂啲咖哩汁，佢個烤餅應該唔係街買反黎烤熱，
但竟然係錦田，竟然比我搵到一間充滿著泰國既味道餐廳，佢地既裝潢令我不得不回味係泰國既小島靜靜地咁望下海吹下海風咁hea左一個晏就既感覺。
一入門口就見到個停車場可以比揸車既朋友泊車。（好方便揸車既朋友呀，唔洗周圍搵地方泊車
不過無車既朋友，可以參考我既方法就係搭巴士64k,到時係東邊路落，落車行無幾步就見到旦王花門口啦（架車係元朗（西）開去大埔墟火車站，中間會經過錦上路、太和，所以都好方便咖）
我入去個時都好晏但裏面既員工竟然都照比我地入去。佢地好快咁帶我地入座同埋揀野食。員工好有禮貌，雖然我地好晏入去但佢地都不時問我地有咩需要。
咁我叫左個香濃茄汁燴雞配左蒜蓉烤餅，燒魷魚，同埋燒豬頸肉。
首先黎到係香濃茄汁燴雞先，聽員工講係印度咖哩煮法，會將啲材料搵機打爛哂先拎去煮咖哩汁，所以除左啲汁就剩反啲雞。食咖哩既精華就係佢啲汁所以點可以唔叫埋烤餅食，先可以充分咁索哂啲咖哩汁，佢個烤餅應該唔係街買反黎烤熱，因為咬落去真係好軟綿綿好軟熟，配咖喱一流👍👍👍👍👍。
之後就係燒魷魚。有時出街好怕食燒魷魚，因為好考廚師燒佢既時間；整得耐左，就干。整得快左，就生生地。但係而個燒魷魚真係要讚讚廚師，佢燒得岩岩好，熟之餘重要係彈牙，唔會干重有啲水份，配埋佢個汁👍👍👍👍因為好肚餓未影相就比我食左個魷魚頭
最後食埋個豬頸肉，可能食得7788都有啲飽所以唔算太特別，不過食豬頸肉最緊要佢個汁。佢個汁真係絕讚👍👍👍
如果疫情完左，會走去食個夜晚。夜晚配埋餐廳既裝潢，再加上佢夜晚重多野食，到時約埋三五知己食下野飲下酒，諗起都覺得正。
Post
