Marbling (Fashion Walk) (Closed)

好少黎銅鑼灣呢頭，都係見到fashion walk有活動可以換戲飛先黎入面有份參加既舖頭食，有隻傻豬豬見到呢間餐廳有恆生信用卡優惠，$388就有二人扒餐食就揀左呢間，食食下先發現係$388per person😂呢度既環境都唔錯，係酒吧街，如果果一日無落雨就完美😂 但係果日係勁大雨，室內又無曬位。前菜，每人兩隻生蠔、白灼蝦、青口，生蠔好新鮮但唔算好大隻。然後係主角，我地叫左一個韓國21日熟成扒同鴨巴甸400日日穀飼牛扒。韓國熟成扒非常重牛味，十分十分濃香，食完個口仲留住好濃既香味！令人十分難忘既味道！扒唔會好生，肉質甚至有點粗糙，但就比人一種粗獷十足既感覺。鴨巴甸既肉質則十分嫩滑，入口即溶，相對牛味無咁重，但仍然係令人一試難忘！唯一美中不足既係份量比較少😂天使面則正常。亦係前菜既沙律，味道相當清新。甜品自助放題，都還不錯。