亞萊泰 (黃大仙中心北館) (Moved) New Location

之前食過都可以，今日再來過，星期六午餐時間差不多滿座，價錢約$60個價錢還可接受。不用10分鐘食物就來到幾快手，咖喱雞扒飯的咖喱唔辣但幾香椰汁味都濃，雞扒切好有少少凍但不油，雞肉都幾好幾嫩，如熱點會更好食，飯少濕份量不少。朋友叫的海南雞飯配黃飯同湯都豐富，雞幾滑但醬汁麻麻好味，雞份量都夠食，黃飯不少但不夠香，湯好味仲有冬瓜在內，飲品加幾蚊可以要凍飲，要了凍檸茶幾大杯茶底不錯，有檸檬味幾好飲，少甜都比較甜咗少少。