Video
Read full review
2022-01-05
617 views
鍾意食中菜既爸爸生日，預早訂左呢間已經有88年歷史、全港第一間既酒店中菜廳食晚飯。上到去餐廳人手明顯不足，坐低開完茶好耐都冇人俾菜牌我地點菜，要開口問先記得咁。當晚初時未算太多枱客人，如果以酒店級既餐廳服務水準黎講，好有進步空間需要改善。一家四口叫左六道菜，知道呢度好出名食「黯然銷魂飯」，叉燒應該係拿手菜，單點左一碟蜜汁叉燒。上菜時叉燒熱度好夠，不過今晚碟叉燒斬得薄身左少少。半肥瘦既部位我至愛，瘦肉部分都唔會乾柴，做到軟熟得黎略帶爽口，話咁快就成碟清左！之後上既係一道懷舊手工菜~荔茸香酥鴨，芋頭茸磨到又綿又滑，鴨件都好厚肉。成道菜雖然係炸既，但炸皮超薄同鬆化，食幾舊都唔會好漏。釀焗蟹蓋個蟹型既銀器好岩打卡，表面既芝士焗完好香，入面係滿滿既蟹肉絲，唔駛自己拆蟹又食到啖啖蟹肉，岩晒懶動手既人。見到幾乎每一枱都叫呢個陳村粉龍蝦煲，陳村粉俾我既印象就係蒸黎食好滑，估唔到可以用煲仔菜形式去做。陳村粉煙韌得黎，仲可以好似煲仔飯d飯焦咁脆。龍蝦好大舊同厚肉，既新鮮又惹味😋網上睇介紹叫左呢個台山焗蟹砵，原隻既肉蟹放入去砵度蒸蛋，d蛋焗完都仲keep到嫩滑，加上吸收晒蟹肉既鮮味，比起食隻蟹更滋味~最後叫
一家四口叫左六道菜，知道呢度好出名食「黯然銷魂飯」，叉燒應該係拿手菜，單點左一碟蜜汁叉燒。上菜時叉燒熱度好夠，不過今晚碟叉燒斬得薄身左少少。半肥瘦既部位我至愛，瘦肉部分都唔會乾柴，做到軟熟得黎略帶爽口，話咁快就成碟清左！
蜜汁叉燒
14 views
0 likes
0 comments
之後上既係一道懷舊手工菜~荔茸香酥鴨，芋頭茸磨到又綿又滑，鴨件都好厚肉。成道菜雖然係炸既，但炸皮超薄同鬆化，食幾舊都唔會好漏。
荔茸香酥鴨
37 views
0 likes
0 comments
釀焗蟹蓋個蟹型既銀器好岩打卡，表面既芝士焗完好香，入面係滿滿既蟹肉絲，唔駛自己拆蟹又食到啖啖蟹肉，岩晒懶動手既人。
釀焗蟹蓋
26 views
0 likes
0 comments
釀焗蟹蓋
29 views
0 likes
0 comments
見到幾乎每一枱都叫呢個陳村粉龍蝦煲，陳村粉俾我既印象就係蒸黎食好滑，估唔到可以用煲仔菜形式去做。陳村粉煙韌得黎，仲可以好似煲仔飯d飯焦咁脆。龍蝦好大舊同厚肉，既新鮮又惹味😋
陳村粉龍蝦煲
50 views
0 likes
0 comments
網上睇介紹叫左呢個台山焗蟹砵，原隻既肉蟹放入去砵度蒸蛋，d蛋焗完都仲keep到嫩滑，加上吸收晒蟹肉既鮮味，比起食隻蟹更滋味~
台山焗蟹砵
223 views
0 likes
0 comments
台山焗蟹砵
142 views
0 likes
0 comments
最後叫多道蔬菜既菜式，本身想叫一款菜名好靚既「翡翠影竹林」，可惜冇貨就轉左叫溫公齋，一問之下原來即係南乳煮齋。當中有好多種唔同既素菜，有d菌類口感都幾特別，不過略嫌南乳太少，冇咩南乳既色同味。
溫公齋
91 views
0 likes
0 comments
老牌中菜既實力的確幾有保證，而且都算幾抵食，美中不足係人手實在唔夠，服務方面比起一d高級中菜差左少少。
Post
