Simplylife Bakery Cafe (Closed)

開放式環境舒適光猛，不過呢間分店唔算大，枱與枱之間很少空間，圓形枱子亦很細小，服務員態度還可以，不過真的冇乜笑容。今次假日來吃brunch ，試了冬陰公海鮮有機糙米飯，非常有誠意，材料豐富，賣相十分好，青檸汁同埋冬陰公十分醒胃，份量剛好，餐湯有非常濃郁的蘑菇湯或沙拉選擇，再配上法包，還有清新而且唔會太甜的冰茶，非常完美。另外也試了凱撒沙律配蛋和巴馬火腿，香煎鱸魚，All day breakfast, 不過相對下普通得多，未見吸引。