倫哥尚品火鍋私房菜 (Closed)

好耐無食倫哥啦，對上果次食已經係一年前，我記得果陣好似淨係得佐敦一間店，果陣喺佐敦食過覺得價錢同食物質素都唔錯。今次同另外一啲朋友嚟尖沙咀分店食，飲品同出邊啲放題一樣，任飲。首先就送上一盤刺身，刺身夠凍，而且都新鮮。之後飲猴頭菇燉雞湯，我係一個好鍾意飲湯嘅人，哩碗燉湯味道幾濃，唔錯！之後就食雞煲，要咗微辣，就返個唔太食得辣嘅朋友，味道辣得嚟有dd甜味，而且可以任食，正！由於我個朋友好細食，所以食咗一轉雞煲就打邊爐，加$30要蕃茄龍蝦湯，龍蝦幾新鮮，不過湯底嘅蕃茄味如果再濃啲就更好。牛脊肉牛味濃，幾好味，可惜一枱只送一碟，不得不提就係哩度啲蝦好新鮮，必食！而其他火鍋料味道合格有食餘，我同朋友戰爭力十分弱，無乜點加單就食飽晒😂臨尾有燕窩燉蛋白做甜品，同我一年前食嘅一樣都係送哩款甜品。哩度啲服務幾好，員工面帶笑容，又每隔一段時間就會問我哋駛唔駛加湯，抵讚！