海都海鮮酒家 (Closed)

灣仔海都是其中一間我至喜愛的餐廳之一，食物服務長時間保持水準。今趟好友聚餐，重遊海都仍是一個好選擇。先來小吃三碟，叉燒點上半肥瘦，成品賣相一般，肉香軟腍度亦沒預期般佳，屬中等水準。椒鹽九肚魚炸得乾身香脆，魚肉白滑，少吃兩口風味不錯。黑椒蒜片豬頸肉是另一香口美食，蒜片炸得金黃，搶口惹味，豬頸肉粒口感腍身，食味佳，黑椒提味有畫龍點睛之效。天氣寒冷，煲仔美食怎能錯過？清湯蘿蔔牛腩煲牛腩份量足，牛肉味濃，又腍身，幾好食。蘿蔔切得薄薄，方便炆腍入味，成品清味軟滑，同樣不錯。煎魚豆腐煲用上煎魚肉釀於豆腐上再放湯，食味普普通通喇！海鮮代表砵酒焗蠔，蠔肉夠大隻肉嫩，砵酒酒香芬芳，可以一試。菜蔬兩食先吃雪菜雜菌腐皮，相對上屬於濃味選擇，醬汁調味不俗，菌香豆味皆富足，菜式混飯吃頗為合適。蒜蓉炒豆苗用上嫩口豆苗，味道清甜可口。甜品腐竹糖水(贈送)，足料，甜度合心，幾好食。單點生磨蛋白杏仁茶，蛋白剛熟夠滑口，杏仁茶氣味吸引，但味道則帶點苦澀味，有點可惜。