松記粥品

Open Now

Now Closed

肚仔餓走去松記"食夜粥", 2條友叫咗一個鹹蛋廋肉粥、一條油炸鬼、一碟豬潤腸。可能我見識少, 平時去其他粥舖好少見有鹹蛋, 呢度有, 我又好鍾意食, 所以差唔多每次食粥都要加鹹蛋, 不時係一隻切開2邊, 今次係整散咗既, 不過老公話咁仲好, 啲粥夠味啲喎油條係暖暖哋既, 仲有少少脆, 唔錯豬潤腸唔係度度有得食, 而且亦唔係間間整得好食, 松記算係整得幾好食, 啲豬潤同腸粉都好滑, 個豉油甜甜哋幾好味。叫油條嗰陣阿姐又係好細心咁問我哋使唔使剪碎條油條, 無黎一排, 店員既服務態度同食物水準都仲係咁好, 抵讚。