Promenade 西餐廳

Open Now

Now Closed

突然想食自助餐，6點幾打去問都仲有位，訂左8點鐘。一入到去見到人山人海，排生蠔候隊好長，所以先拎凍海鮮類。龍蝦有膏又大隻，蟹腳比其他酒店大隻，麵包蟹我唔識欣賞😅😅。中式湯（蓮藕湯）比要搶既燉花膠湯還要好飲。其他熱食都比另外幾間同集團既好。刺身中規中矩。特別鍾意佢個沙律吧，好多唔同既菜選擇，有我喜歡既牛油生菜同火箭菜。今晚得一款美國蠔質素還可以，每人限取兩隻，但我較喜歡法國蠔，其實收呢個價錢應該俾好少少既蠔。今晚最愛既係鵝肝多士，多士整到好脆，可惜我太晏先去，想再食但佢已經無再refill。甜品有我最鍾意既榴槤酥😋😋，仲有燕窩。但因為8點先去到，唔夠時間食，仲有好多野未試，如果下次再去，真係要6:30準時去到，好多食物都要排隊，有啲限量的食物一拎出黎就被秒殺。食得太急，無影到相🤦🏻‍♀️可加$120任飲紅白啤酒汽水，侍應見到我差不多飲完便會幫我refill，之前去另外幾間都要叫人加先會加，呢點值得加分。