雲桂香米線專門店 (Closed)

早排夜晚收工之後，同同事喺尖沙咀搵食。由於中午嘅時候食得太飽，所以諗住搵啲輕食，醫飽個肚就夠！但係尖沙咀實在太heavy， 最後喺厚福街9號揀咗～雲桂香～落到去揀咗個 涼拌紅薯粉 再加*豬軟骨 同埋*肉燥 ，仲揀多杯凍檸檬茶。喺咁熱鬧嘅地區，呢間鋪頭喺地庫比較少人，空間感亦都足夠。估唔到涼拌紅薯粉嘅中辣亦都可以咁辣！！辣到咀唇都腫埋。。。味道還不俗，正正常常，辣味夠香，豬軟骨啖啖肉，亦都煮得夠淋，如果下次唔揀咁難就更加好喇！