Bâtard

Open Now

Now Closed

聽了說了都快一年了，這一間Club Bâtard終於都有機會去了。身邊有好幾位富貴朋友前後腳陸陸續續入會，10萬蚊入會費再加唔知千幾兩千蚊月費join一個「食飯會」確實唔係牛仔我所能支付得起的高奢生活，不過還幸「識人好過識字」，入了會的朋友都話邀約到這裡食飯，我又有得見識見食。Club Bâtard匯聚了兩間餐廳：享負盛名的酒窖餐廳Bâtard，以及老港味名店合時。今次第一次來朋友約了去Bâtard，一句講晒：保持水準。我點了set lunch，馳名的雞飯依然香噴噴非常滋味，頭盤水果芝士沙律清新鮮爽，中間的海鮮配搭，帶子、三文魚全部吃得出手藝，甜品及麵包樣樣高質，真慶幸有機會來試。話就話這是富貴人家食飯會，但在中環核心地段要安安落落找個地方招待客人或商務聚會其實非常不容易。中環人一定多這方面的需求，如果來得密，比如一星期三次的話，除番開一年即係每餐畀多7百蚊有找，有一個「自己」的地方，又說不上是離地的收費。兩間餐廳的吞吐量有限，配對合適有這方面需求的消費者實在不難。有資源的人，唔驚你貴，係驚你的出品唔夠好啫！同一個道理，有另一位會員朋友告訴我說，覺得這裡另一間餐廳合時大不如前，跟老店差