麗香園冰廳 (Closed)

繼續老香港出發，找尋香港味道 係新填地街露天市集內，一間無裝修既舊茶餐廳，很難吸引生客光顧，如果無 openrice 真係搵唔到佢呢 門口既餅櫃放滿包點，賣相唔吸引，但有一種親切感覺，想起細細個時連錢係乜都未知......每一次見到茶餐廳門口總是放著各式各樣包餅，好想即時伸手o拿一個放入口 沙嗲牛麵+魚柳蛋多士+熱奶茶麵質唔會太淋，可能係用大光麵，口感似出前一丁。用上金寶湯作湯底比坊間既味精湯好百倍 魚柳幾大件又好脆但蛋就太油膩太細隻。熱奶茶好好。茶色好深看似係咖啡，味濃質滑。 苲菜肉絲麵+餐肉炒蛋多士+熱OT苲菜肉絲就一般啦，唔夠咸而且唔夠爽，餐肉有兩件都幾夠厚，炒蛋都係太油膩，熱OT一般貨啦 酥皮蛋撻酥皮蛋撻真係好好，佢已經成為我既蛋撻朋友 酥皮食落去唔覺好多層次，但好輕身好香口好脆口，蛋撻既蛋心甜度適中又唔會太浠，咬左一半時見到蛋心識沃沃下已經好飽吃不下其他懷舊糕餅和懷舊無冰凍飲，下次再來。