陋室 (Closed)

有一日屋企商場樓下派優惠券（十蚊一個漢堡包），先知道保齡球場上面間餐廳已經裝修好，已經開張。餐廳正正位於保齡球場之上，環境唔錯，打完保齡，做完運動，絕對係一個歇腳點嘅好選擇。我哋一家四口拎住張優惠券，一人食咗一個漢堡包，優惠期間嘅點餐加輪候時間都比較長，不過漢堡包仲係熱辣辣，應該係即整嘅。漢堡包直徑都有一部iPhone 5咁長，塊牛肉好厚，咬落去仲有肉汁，芝士仲係溶溶地，唔錯！有機會會試埋其他嘢食！