台灣小倆口三文治 (Closed)

囡兒要到醫院覆診，所以請左假，之後坐小巴回荃灣，又是諗食乜時間。老婆太耐無食街外野，當然要諗諗食乜好。另一原因，是因為抱著囡兒，實在不宜到太迫的地方，或一些食得麻煩的地方。思前想後，想起小倆口，三文治正是單手攪得掂的食品，岩晒。餐牌選擇多，老婆一眼已選定總裁牛肉堡，原因是因為名字似香港的公司三文治，哈哈。另一件諗唔到，就問下收銀姐姐，經過一輪推介後，我就叫左台式哈姆吉士土司。果然如傳聞一樣全部即整，開放式廚房睇住煎好肉類，用油不多，多士麵包也是即烘，難得。店內有一些做好的三文治，賣相吸引，等既途中都見唔少女士黎買，如果近我屋，我可能都係一份子。等左一陣，終於有得食，正想在店裡開餐，店員話原來可以在出面巷，但相信係走鬼位，如果有警察叔叔應該要即散水。先吃台式哈姆吉士土司，多士脆口，大量生菜，整件三文治也fresh，哈姆吉士即係台式腸+芝士，整體配合起來唔重口味，適合喜歡清淡的朋友，但老婆稍嫌無乜特別。總裁牛肉堡有蕃茄、煎蛋、牛肉漢堡、生菜等，味道較濃，牛肉稍嫌少了點牛味，但都十分不錯了。蛋很熟，有點似麥記豬柳蛋件蛋咁，但我想生少少會更好味。雖然我講左咁多好似唔多好既comment，但我依