Video
Read full review
2021-10-25
1115 views
慶祝男朋友加人工，梗係屈佢食返餐西餐慶祝吓～～呢度出名環境靚食物正，梗係要出動黎點評一下！👍🏻Black cod 好罕有嘅配搭，亦必須用「暫時食過最好食」嚟形容佢。魚肉好嫩滑，邊位完全無濃或焦黑，亦帶有充分嘅魚脂香。配上鋪面既楓樹糖漿，味道微甜，但若然配菜可以再豐富一啲相信會有更高嘅分數評價。👍🏻Pumpkin soup with crab meat 入口好似牛奶咁順滑，亦帶有丁點綿密感，拌上啖啖蟹肉都帶幾份飽肚感，不過南瓜味道就唔算太重。👍🏻Ox tail soup 非常正宗嘅法式湯品，裏面有滿滿的洋蔥粒，入口爽甜，加上足量既牛尾肉，肉質煲過都唔會好鞋！👍🏻Sous vide foie gras鵝肝油脂豐腴，焦糖做得薄脆，用低溫浸鵝肝嘅烹調方法，令厚厚既肉質又帶點軟軟輕輕，點上黑醋汁，入口油膩感又即時降低，讓人意猶未盡，另外蒜蓉包亦完全冇浸油既情況，保持香口！👍🏻Veg Aglio Olio pasta 相對淡身嘅一個意粉，冇過分嘅調味，但有滿滿嘅蒜片、菇菌、車厘茄。意粉口感比較硬身，如果想要淋身啲亦都可以通知餐廳代為安排。👍🏻Cookies ‘N cream 明顯係一杯用心製作嘅飲
👍🏻Black cod
好罕有嘅配搭，亦必須用「暫時食過最好食」嚟形容佢。魚肉好嫩滑，邊位完全無濃或焦黑，亦帶有充分嘅魚脂香。配上鋪面既楓樹糖漿，味道微甜，但若然配菜可以再豐富一啲相信會有更高嘅分數評價。
👍🏻Pumpkin soup with crab meat
入口好似牛奶咁順滑，亦帶有丁點綿密感，拌上啖啖蟹肉都帶幾份飽肚感，不過南瓜味道就唔算太重。
👍🏻Ox tail soup
非常正宗嘅法式湯品，裏面有滿滿的洋蔥粒，入口爽甜，加上足量既牛尾肉，肉質煲過都唔會好鞋！
👍🏻Sous vide foie gras
鵝肝油脂豐腴，焦糖做得薄脆，用低溫浸鵝肝嘅烹調方法，令厚厚既肉質又帶點軟軟輕輕，點上黑醋汁，入口油膩感又即時降低，讓人意猶未盡，另外蒜蓉包亦完全冇浸油既情況，保持香口！
👍🏻Veg Aglio Olio pasta
相對淡身嘅一個意粉，冇過分嘅調味，但有滿滿嘅蒜片、菇菌、車厘茄。意粉口感比較硬身，如果想要淋身啲亦都可以通知餐廳代為安排。
👍🏻Cookies ‘N cream
明顯係一杯用心製作嘅飲品，賣相非常討好，一層一層地鋪上，冰塊打得夠碎，Bailey 份量好適中，配上小小嘅榛果香，三者配合得不俗！
👍🏻Paradise punch
百香果嘅酸甜令整杯飲品相當清新，加上菠蘿汁同橙汁嘅混合，飲落去都相當之清涼解渴。
👍🏻餐廳環境氣氛唔錯，又有輕快嘅音樂伴奏，如果五點幾去到坐靠窗邊位仲可以睇到日落！
Post
