東羅 泰館 (Closed)

原本只係想係裕民坊YM入面食個簡單嘅午餐，但係點知第一次入黎食，就已經換黎一個咁不被尊重的體驗。入到去我被安排左坐高凳的位置，其後我亦都落左單，過左一陣，對面卡位的客人走左，咁我就坐左過去，而另一位同事係知悉此事，但點知突然俾一個女同事(紮低鞭的，其他叫佢丫cat)用一個非常之不尊重的語氣問我係咪落左單，我答係丫，隨後佢俾左一個好吾奈煩的眼神同表情我，暗示我做咩自己私自轉枱。作為第一次光顧的客人，我真係覺得好激氣，事後我立即同剛才知悉我轉位的同事問一聲: 我頭先有同你講一聲話轉位架嘛。對方亦回答係丫。但係個位惡言相向的女同事就兇神惡殺嘅樣話我搞亂左廚房落單的次序，佢仲反駁話佢只係跟程序做嘢。哇，我真係覺得好白眼，連隔離枱的客人都睇唔過眼，轉枱好小事，唔需要用一個咁冇禮貌的態度同一位客人講嘢，好似我做錯野咁。你唔知道我轉左位，咁呢個就係你同你同事之間溝通的問題。我吾知呢位員工知唔知咩係待客之道同埋基本的禮貌訓練。最後餐飯仲收我service charge, 請問何來有服務？令到我心甘情願咁你地呢？我問左其他同事，原來間餐廳只係上年先開業，佢咁樣只會趕客。