泰國小泰飛菜館

Open Now

Now Closed

本身同兩個朋友去食辣雲吞，但津津爆場，所以就行入深水埗搵地方食Lunch，我地無意間發現哩間新開既泰國野，門面乾淨就決定試下啦。遊船河即係咩都有，肥牛唔嚡口有牛味、魚旦爽口、肉丸都好味、蘿蔔一啲都唔馬虎，炆到好入味同好清甜！真係好似係泰國食既湯粉咁，仲要好大碗，啲香葉令到個湯底更加豐富。泰式炒河，係我去食泰國菜必叫既，份量算大，雞肉唔會炒到勁乾、最重要個味唔會太甜、啲粉又唔會痴到一舊舊、炒到每條粉個濕度都剛剛好，加埋蛋絲，好味呀！三樣我最鍾意辣膏豆角炒腩肉飯，非常惹味、啲豆角仲好爽口、腩肉半肥瘦，最重要係佢個腩肉皮係脆咖如果鐘意食辣既千其唔好挑走啲指天椒，夾埋啲汁嚟餸飯真係勁好食！杯凍檸茶都好飲，哩間係用青檸咖，杯野份量又大！有時亂咁試新野都係件好事，我會下次去試下食晚飯。