Video
Read full review
2016-05-31
3161 views
21-5-2016 (Sat) ,約定二哥一家返o黎攞o野,我就乘機約晒所有人食個晚飯,用埋啲分.於是又book 6:30pm 8位.我o地又準時到達,原本又睇套餐,但同上月16日晚食o既一樣(o個個食評: http://www.openrice.com/zh/hongkong/review/%E4%BB%BD%E9%87%8F%E5%B0%91-e2572711),大變到,於是散叫,由大哥決定,我就只要求粟米魚塊,依家睇返張單,點解變o左$148.00o既粟米龍躉塊咁貴? 大嫂就為我叫個雲耳勝瓜炒藕片,我就話叫多個爸爸可以食o既菜啦,佢o地就揀o左啫啫通菜煲.決定晒喇,最後係食o左:1. $98.00o既海皇冬瓜盅由侍應幫我o地分,我個碗只有冬瓜肉,金華火腿同瘦肉粒,睇睇老公o個碗,點解有帶子,蝦同勝瓜o架?侄女o個碗都係好豐富.有冇攪錯呀???點做o野o架? 個湯唔會太鹹,清清地咁啦.6. $88.00o既雲耳勝瓜炒藕片味道淡,普通吧.4. $358.00孖寶(E)裡面o既御皇脆皮燒雞半隻顏色好靚,我只偷食斬出o黎,甩o左少少o既碎,係皮脆肉嫩.5. $78.00o既啫啫通菜煲
我o地又準時到達,原本又睇套餐,但同上月16日晚食o既一樣(o個個食評: http://www.openrice.com/zh/hongkong/review/%E4%BB%BD%E9%87%8F%E5%B0%91-e2572711),大變到,於是散叫,由大哥決定,我就只要求粟米魚塊,依家睇返張單,點解變o左$148.00o既粟米龍躉塊咁貴? 大嫂就為我叫個雲耳勝瓜炒藕片,我就話叫多個爸爸可以食o既菜啦,佢o地就揀o左啫啫通菜煲.
決定晒喇,最後係食o左:
1. $98.00o既海皇冬瓜盅
由侍應幫我o地分,我個碗只有冬瓜肉,金華火腿同瘦肉粒,
睇睇老公o個碗,點解有帶子,蝦同勝瓜o架?
侄女o個碗都係好豐富.有冇攪錯呀???點做o野o架? 個湯唔會太鹹,清清地咁啦.
6. $88.00o既雲耳勝瓜炒藕片
味道淡,普通吧.4. $358.00孖寶(E)裡面o既御皇脆皮燒雞半隻
顏色好靚,我只偷食斬出o黎,甩o左少少o既碎,係皮脆肉嫩.5. $78.00o既啫啫通菜煲
我以為係腐乳通菜,但原來有蝦醬,蝦乾,敝啦,爸爸唔食得.呢個係惹味啲,通菜炒得嫩.7. $98.00o既馳名咖哩牛腩配蒜蓉包
呢個係老公睇到話要,我食少少蒜蓉包,個邊幾硬,包身韌,已經放過龍啦. 而咖哩牛腩呢,老公夾o左件牛筋俾我,好夠腍,不過都幾辣.
8. $88.00o既瑤柱蛋白炒飯
同上次食o既差唔多啦.2. $148.00粟米龍躉塊
仍有啲脆,魚肉嫩,粟米羹OK冇問題啦.3. $358.00孖寶(E)裡面o既清蒸老虎班仔
呢個o黎唔切影相,蒸得o岩o岩好,魚肉滑.
味道係3.18分
價錢:
前菜兩碟,一碟花生,一碟雲耳,索價$13.00一碟.晚市茶芥$14.00一 位,超貴.另外叫o左三罐汽水,$15.00一罐.
連加一合共$1,253.00
服務:
今次俾o既枱係入面擺酒區,但都係通道位,點解次次都俾通道位?
開餐冇耐,爸爸要汽水,就叫一罐;隔o左一段時間,侄女同二嫂都要,就叫兩罐,點知佢o地只拎一罐o黎;我見佢o地兩人只飲一罐,我就叫佢o地俾多一罐.俾完後,個男經理好大聲話:逐罐咁叫,行幾次.
有冇攪錯?咁樣俾說話客人聽?我o地根本冇心玩你,第一次係我爸爸呢個老人家冇問齊家人要唔要汽水而叫;第二次係佢o地聽唔到我o地係叫兩罐,我o地都唔出聲,容忍佢o地,反而最後我補多一罐就咁樣話我o地.
我知客人唔係大晒,但第二次o個轉係佢o地問題,自找就唔好賴我o地,而且呢啲唔係唔使錢.
原以為食埋今次用埋積分就可以同佢o地冇晒關係,點知埋單時我冇俾埋積分咭,拎o左張單o黎時我俾佢,個男經理就話我頭先叫埋單時應該俾埋.佢就叫我俾埋credit card佢,仍返埋o黎話,個海皇冬瓜盅係特價,唔可以用分.我望望大哥,大哥答係,呢個係特價.我唔記得叫佢o地唔好叫特價餸.
咁我問,即係依家要碌幾錢?佢答成張單o既$1,253.00.我問唔係除o左$98.00唔用得分外,其他可以用咩?佢答唔可以.我問,成張單得一個餸係特價就牽連成張單唔可以用積分?佢答係.我又問,咁可唔可以儲分?佢又答唔可以. 太過份啦,你o地呢間o野玩晒啦,分又唔俾用,又唔俾儲,儲分得幾多?$1,253.00係等於1,253分,但用分時,係每100分至當$5.00用,即1,253分只可當$62.65用,叫碟餸食都唔夠,呢間o野真係好小家呀!
重要完全冇話送生果或甜品,我真係好唔願意再o黎幫趁呀!
Other Info. :
而就積分問題,事後我o係23日(星期一)打去熱線,冇人聽,留o左voice mail,冇人覆.第二日再打,又留voice mail,之後有人覆喇,我問o左我o既問題,對方答呢個冬瓜盅係可以照用分或儲分.
我又問,咁我一開頭叫埋單冇俾張積分咭,之後俾返又用唔用到 / 儲唔儲到分?佢答如果未俾錢,係可以.佢就幫我check o左然後再覆我.
我覺得係個男經理唔服氣要佢o地行幾轉而咩都唔俾,星期三,對方用電郵覆返我,答係可以儲或用分,咁o衣o家我焗住我儲分啦, 我o地又要去多次受氣喇.
(The above review is the personal opinion of a user which does not represent OpenRice's point of view.)
Post
