留港

Open Now

Now Closed

今次我哋去咗朗屏嘅留港Cafe食飯，真係一個唔可以錯過嘅好地方！餐廳環境靚到爆，坐得好舒服，仲近西鐵站，真係方便到唔得了，鼓勵大家留港消費！🤣🤣叉燒極尚黑豚炒滑蛋蓋飯份量真係超級足夠！炒蛋滑溜，配埋黑豚肉，味道濃郁，叉燒嘅香味亦都好入味，飯底仲有啲焦香，食到真係好開心！秘製南乳豬手飯豬手軟嫩，南乳味道獨特，轉咗椰菜花蒟蒻米，健康又唔會覺得油膩，真係好有心思！除咗主菜，我哋仲加咗幾款小食足料碗仔翅料多到嚇人，湯底濃郁，食落去一啖接一啖，真係好滿足！滷水雞翼味道香口，滷得啱啱好，雞翼肉質嫩滑，食到手都唔停！招牌爆汁炸雞炸得金黃酥脆，咬落去啖啖都係汁，真係一試成主顧！忌廉蟹肉薯餅呢個小食真係超級推介！薯餅外脆內滑，裡面嘅忌廉蟹肉充滿蟹肉嘅鮮味，咬落去真係好幸福，蟹肉同忌廉嘅香濃味道完美結合，食過一次真係難以忘懷！特別推薦佢哋嘅港式奶茶，茶底好濃郁，飲落去順滑到不得了，簡直係完美嘅搭配，飲完真係令人心情大好！整體來講，留港Cafe真係抵食又好味，環境又靚，份量又足，真係一個好選擇，大家一定要試下呀！