Video
Read full review
2022-10-26
1160 views
傳聞打200次電話先book到嘅壽喜燒，終於俾我地book到位啦🖖🏻。店面較細，不過用餐空間都算舒適，裝修以日系木質為主，每枱客由一位師傅負責，所以每個時段只會做到三枱客左右，難怪咁難book🤫，話佢係壽喜燒屆Chanel都不為過🖖🏻。✏️Sukiyaki beef set $680@1前菜 🍎7/10冇特別寫係咩名，所以唯有根據我嘅記憶描述下啦🤫。前菜係一個比較Fresh嘅蔬菜搭配，有枝豆、甜粟米、小蕃茄同茄子，present上都幾可愛，枝豆好似一串提子咁😆，食材都幾新鮮，但比較平平無奇。海苔蒸蛋 🍎8.5/10蒸蛋上鋪咗一層海苔醬，鮮甜味美😋。壽喜燒 🍎10/10終於輪到主角A4近江和牛啦，牛肉嘅色澤一睇都知好新鮮😋，油花嘅分布均勻飽滿，四個部位分別係肩胛、西冷同肉眼。師傅會先用牛脂同砂糖起鍋，再落牛肉同醬汁煎香，個人認為肩胛位嘅肉質最軟淋，有入口即化嘅感覺，西冷同肉眼反而會有返啲嚼勁。另上嘅日本蛋汁一啲都唔腥，牛肉點完蛋汁再食，入口更順滑😋，肉味濃，仲帶微微嘅焦糖香，真係齒頰留香，唔知要點挑剔😋。牛肉嘅份量看似唔多，但因為油花好豐富，又會搭住珍珠飯食，所以食到第三輪已經有啲飽滯😂，
✏️Sukiyaki beef set $680@1
前菜 🍎7/10
冇特別寫係咩名，所以唯有根據我嘅記憶描述下啦🤫。前菜係一個比較Fresh嘅蔬菜搭配，有枝豆、甜粟米、小蕃茄同茄子，present上都幾可愛，枝豆好似一串提子咁😆，食材都幾新鮮，但比較平平無奇。
海苔蒸蛋 🍎8.5/10
蒸蛋上鋪咗一層海苔醬，鮮甜味美😋。
壽喜燒 🍎10/10
終於輪到主角A4近江和牛啦，牛肉嘅色澤一睇都知好新鮮😋，油花嘅分布均勻飽滿，四個部位分別係肩胛、西冷同肉眼。師傅會先用牛脂同砂糖起鍋，再落牛肉同醬汁煎香，個人認為肩胛位嘅肉質最軟淋，有入口即化嘅感覺，西冷同肉眼反而會有返啲嚼勁。另上嘅日本蛋汁一啲都唔腥，牛肉點完蛋汁再食，入口更順滑😋，肉味濃，仲帶微微嘅焦糖香，真係齒頰留香，唔知要點挑剔😋。
牛肉嘅份量看似唔多，但因為油花好豐富，又會搭住珍珠飯食，所以食到第三輪已經有啲飽滯😂，好在中途會另上煮淋咗嘅洋蔥、蒟蒻麵同日本春菊balance下。春菊嘅味道微澀爽脆，有啲似西洋菜，煮淋咗嘅洋蔥好清甜，完全冇辛口嘅感覺，諗返都好想再食多次🥹🥹。
滑蛋牛肉飯 🍎9/10
牛肉係類似免治牛肉碎，結合半熟蛋汁，同燒鍋上嘅香濃肉汁，每啖飯都係精華所在，可惜食到最尾真係好飽，如果能空腹品嚐就更好了😭。
甜品 🍎8/10
甜品係芒果奶凍同蘋果啫喱，味道就冇咩特別，不過作為今日嘅收結，非常清新解膩。
當時聽到連壽喜燒都可以做廚師發辦，覺得有啲匪夷所思，食物圖片睇落都伏伏地，又真係冇諗過個體驗會咁開心，嘢食好食就其一啦，其二係師傳席前即煮，睇到成個過程，真係色香味俱全😋，要挑剔嘅就係擺盤有啲Hea😂，價錢都較貴，同埋預約上真係非常唔方便，由於個電話係長期冇人聽，我哋只好月頭Walk in去book位，如果可以增加返網上預約系統就更好啦，有機會冬天會再去試吓佢個shabu shabu😋，美味しい～
Post
