太平洋咖啡 (希慎廣場)

Open Now

Now Closed

如果唔係朋友送我一張$50 pacific coffee gift card 我都好少機會會嚟pacific coffee 老老實實佢哋嘅出品整體都係水平以下，今日嚟到希慎廣場5樓，就順便用咗佢先。整體食物和飲品價錢應該係比Starbucks平少少。希慎廣場呢間嘅面積中等，大約坐到30+人左右，食物種類都唔算好多，甜品亦都唔太吸引。點左一份煙三文魚牛角包Matcha Latte 店員為我再翻熱個牛角包，但係好唔明點解返熱個牛角包之後會稔曬嘅，明明系焗爐喎？！個包餡料有煙三文魚、生菜和番茄，味道正常，廿幾蚊水準都係咁上下。反觀杯熱Matcha Latte 令到我眼前一亮，抹茶香味十分濃郁，少許嘅苦澀抹茶味和牛奶甜味平衡得唔錯，而且略帶回甘，最重要係熱度十足，啱我口味。