椰仔冰室 (屯門鄉事會路)

Open Now

Now Closed

椰仔冰室嘅全日常餐唔貴得嚟份量叫正常，食得飽，而且味道不錯，$49晚餐時段食，應該叫平添😆。個米粉都幾多，唔係下午茶果啲食兩啖就冇，仲可以轉麵/通粉。不過啲餐肉就真係食多兩啖都冇，粒粒都差不多1cm×1cm咁細，仲要十粒唔夠🥲，旁邊舊蕃茄仲搶鏡過啲餐肉，湯底唔會太甜，我好怕果啲一味得甜嘅蕃茄湯底。丹麥多士就好正，嚟到係脆，牛油唔會太多。炒蛋滑，唔會太熟，啲蛋汁沾多士好味，不過腸仔就咸左啲。檸茶就正正常常，不過真係好夠熱，食晒杯茶仲未涼。