Video
Read full review
2022-12-15
329 views
同事一早買Bakehouse嘅撻做早餐係咩玩法？「見冇人排隊。」佢咁解釋。Ok，反正有食唔食，下句你駁埋落去啦。本人食嘢冇咁講究，打算凍咗都照樣啪落口（懶都係原因之一）。不過即刻俾人「小」暴殄天物，為咗平息眾怒，死死地氣去焗返熱佢。唔焗由自可，一焗就「焗多個」、「加一」、「唔爭在幫我焗埋」、「反正都係，順便啦唔該」。霎時之間，此起彼落嘅聲音，令我做咗好多人嘅阿四。Sourdough egg tart餅皮唔係牛油皮、唔係酥皮，口感比較近似葡撻；撻心冇一般蛋撻咁實在嘅口感，有少少🤏🏽食芝士撻嗰種軟心質感；味道帶有焦糖味，甜度啱啱好，啱晒我何車（正寫好似係合尺），好難唔好食😋。加上焗返熱之後嗰浸香氣真係會撲鼻，顏色又好睇，五個字：色香味俱全👍🏾。如果個天可以畀個機會我用「色香味俱全👍🏾」去形容一個女優嘅話，我會同大家講三個字，櫻空桃。講返正題：難怪日日咁多人去排隊，亦好佩服佢哋嘅耐性同執著，欽敬欽敬。自問冇咩特別理由都唔會有毅力去排，相信總會畀我遇著唔使排都買到嘅時候，好似今日咁，遇貴人有口福，「多謝大佬。」🙏🏽
本人食嘢冇咁講究，打算凍咗都照樣啪落口（懶都係原因之一）。不過即刻俾人「小」暴殄天物，為咗平息眾怒，死死地氣去焗返熱佢。
唔焗由自可，一焗就「焗多個」、「加一」、「唔爭在幫我焗埋」、「反正都係，順便啦唔該」。霎時之間，此起彼落嘅聲音，令我做咗好多人嘅阿四。
Sourdough egg tart餅皮唔係牛油皮、唔係酥皮，口感比較近似葡撻；撻心冇一般蛋撻咁實在嘅口感，有少少🤏🏽食芝士撻嗰種軟心質感；味道帶有焦糖味，甜度啱啱好，啱晒我何車（正寫好似係合尺），好難唔好食😋。加上焗返熱之後嗰浸香氣真係會撲鼻，顏色又好睇，五個字：色香味俱全👍🏾。
如果個天可以畀個機會我用「色香味俱全👍🏾」去形容一個女優嘅話，我會同大家講三個字，櫻空桃。
講返正題：難怪日日咁多人去排隊，亦好佩服佢哋嘅耐性同執著，欽敬欽敬。自問冇咩特別理由都唔會有毅力去排，相信總會畀我遇著唔使排都買到嘅時候，好似今日咁，遇貴人有口福，「多謝大佬。」🙏🏽
26 views
0 likes
0 comments
Sourdough egg tart
46 views
0 likes
0 comments
Post
