李圓圓 (億利工業中心)

Open Now

Now Closed

執下電話入面啲相先發現無寫過李圓圓，呢次飲嘅相都已經係一月嘅事了，當時仲未疫情咁嚴重，出左去D2同朋友行下街，之後就買左野飲。記得個日天氣都幾凍，揀左飲熱飲，買野飲嘅人都多，等左差唔多廿十分鐘先有。自己叫左杯薑汁鮮奶，薑味同奶味都幾濃，而且有啲杰身添，冬天飲好正，飲完暖笠笠。朋友杯係紅茶鮮奶，叫左無糖，佢話飲落似港式奶茶，哈哈。另一個朋友就叫左黑糖珍珠奶昔，呢杯無得揀甜度嘅，佢話係店家嘅完美比例喎，奶好滑，黑糖珍珠有咬口，但激甜，朋友話激甜先正喎，呵呵。整體黎講三杯都好飲，呢個品牌都唔錯吖。