Video
Read full review
2008-05-26
32 views
上兩個禮拜同男友仔去食嘢,唸住求求其其食飽就算啦,一坐低,就叫咗兩個椰青先至睇餐牌,兩個椰青好快到咗,當時好口渴,一啖啜落口,嘩!... ....酸嘅! 好明顯係壞咗,我睇真啲個椰青,表皮灰灰暗暗,又乾身,摸吓又唔凍,梗係無放係雪櫃啦!咁我又試吓男友個椰青,又正常喎! 咁咪等啲伙記得閒時叫佢哋啦,有個講完笑得閒睇吓啲客人喇, 咁我舉手示意叫人啦,點知佢一步都唔行埋嚟,離遠問我要咩喎!!!!! 大佬,咁遠......駛唔駛我e-mail俾你呀?我唔慣唱山歌咁同人講嘢, 咪指吓個椰青,造個口型話"壞咗!"點知佢好語重深長咁同我講 "個椰青唔會壞架"個椰青黃飛鴻扮,唔會壞?!!!之後兩個村姑look & 1個圍村阿叔look嘅server一齊嚟圍我我話:唔係哩,你試吓,壞咗呀佢話:個椰青搭飛機嚟!!So.....? Of course la, I'm afraid 香港無出產椰青囉我話:酸咗喎 !佢話:唔熟啫 !你同我就唔熟.....所以你揾我笨囉我同男友你眼望我眼, 咁都得?唉! 唔好影响自已食嘢心情, 算!我話: 咁...我唔飲啦....你幫我攞走佢啦佢話:
上兩個禮拜同男友仔去食嘢,唸住求求其其食飽就算啦,一坐低,就叫咗兩個椰青先至睇餐牌
,兩個椰青好快到咗,當時好口渴,一啖啜落口,
嘩!... ....酸嘅! 好明顯係壞咗,我睇真啲個椰青,表皮灰灰暗暗,又乾身,摸吓又唔凍,
梗係無放係雪櫃啦!
咁我又試吓男友個椰青,又正常喎! 咁咪等啲伙記得閒時叫佢哋啦,
有個講完笑得閒睇吓啲客人喇, 咁我舉手示意叫人啦,點知佢一步都唔行埋嚟,
離遠問我要咩喎!!!!! 大佬,咁遠......駛唔駛我e-mail俾你呀?
我唔慣唱山歌咁同人講嘢, 咪指吓個椰青,造個口型話"壞咗!"
點知佢好語重深長咁同我講 "個椰青唔會壞架"
個椰青黃飛鴻扮,唔會壞?!!!
之後兩個村姑look & 1個圍村阿叔look嘅server一齊嚟圍我
我話:唔係哩,你試吓,壞咗呀
佢話:個椰青搭飛機嚟!!
So.....? Of course la, I'm afraid 香港無出產椰青囉
我話:酸咗喎 !
佢話:唔熟啫 !
你同我就唔熟.....所以你揾我笨囉
我同男友你眼望我眼, 咁都得?
唉! 唔好影响自已食嘢心情, 算!
我話: 咁...我唔飲啦....你幫我攞走佢啦
佢話: 無事喎! 信我啦, 飲啦 !
我話: 得啦,我俾錢啦,個椰青唔要啦,攞走佢啦
佢話: 真係飲得架.......
佢全程話個椰青無壞,但佢未試過,未聞過,未摸過
我唔敢以身犯險,俾錢唔飲都仲要俾人圍?
臨走見佢哋放係display雪櫃內的生果 (整飲品掛,切粒粒)
都無冧蓋or包保鮮紙
條街咁多食肆,唔通食環啲人真係睇晤到????
真係.....谷氣的一餐
Post