California Pizza Kitchen (Closed)

親身體會員工以如何為你倒米！事源一行四人中午12:00左右行到門口，無人接待，好似未開門咁，搵左好耐個營業時間牌，係11:30開門喎，望入面又好似有人做緊野，佢地望出黎見到我地又唔理喎，心諗唔通未開門？結果咪行入去睇下問下囉諗住。其實呢個時候已經諗，入面啲人頭先望出黎我地係外面都唔理，就算有位啲服務睇黎都唔會好啦。一路行入去都無乜人理，但已見到有其他食客，唔多人，大把位，仲諗唔通自己搵位嘅？終於有員工開聲問幾位呀，答佢我地4位，跟住佢就講：＂以後係外面等安排吖，唔好自己走入黎！＂ 火都黎埋，我即話我地走啦，唔入，係你地出面一個人都冇，望到又唔理，我地走入黎搵位仲話我地唔跟安排？！乜態度呀家陣，去第二度食唔好？！跟住我地就一齊走返出去，個員工仲係度講話乜外面得一個人，人都無呀，當我地盲呀？！最後道歉都無句，我地轉去食金滿庭了。