倪姐泰國美食 (Closed)

又來到九龍城。燒牛肉串兩串過口引，有點唔通係個醬汁有青檸味好清新。牛肉都唔會好實，配會沙嗲花生粒醬好有咬感。船河是主打，叫左泰國正宗豬肉丸船河同燒豬頸肉船河。店員好貼心問要唔要走辣？走d啦。泰國正宗豬肉丸船河先有炸豬皮同脆脆。河粉係勁大片有d厚層次既，份量好多，用勺子食就得，哈哈，懶！豬肉丸小巧彈牙，仲有豬肉都好嫩。燒豬頸肉船河就多通菜同有6件燒豬頸肉，好抵食。香茅 花椒同八角味好重既湯底，但一點都唔會過咸，都唔錯呀。勁多通菜，非常健康！豬頸肉肥瘦岩岩好，都好燒烤味，無比濃湯味cover味，好！轉左食金邊粉，都非常入味。咖哩炒蜆好大隻下，肥美。咖哩好香甜，算好濃，配飯一流。但今次食河！入面有芹菜 三色辣椒大大件，好味多汁。蜆食落全無沙，係兩隻開唔到。蜆肉厚厚地，好味，都幾吸汁。馬拉盞炒通菜，有蝦米添wow。上一秒叫，下一秒就上菜，勁快。肚餓岩岩好，愈食都仲有，份量都幾大。通菜配紅辣椒好靚，通菜頭好脆口，食到底啲菜葉有點咸，但野味啲既。