Video
Read full review
2023-09-25
1404 views
啱啱去完一趟遠行返嚟，都喺覺得香港食嘢選擇多，質素又高，價錢又相對划算，所以，趁今晚約咗表哥出嚟聚一聚，食飯之餘，順便俾啲手信佢，更加食番餐好嘅。在網上搜尋就搵到呢間主打泰式加西式嘅樓上餐廳「茴香」，加上見佢有唔少好評，覺得喺穩陣之選。 餐廳位於17樓全層，門面好有田園感，入到裏面感覺又截然不同，好有一種法式小館嘅感覺，裝修清雅，牆身加咗啲大玻璃鏡，增加空間感，此外，餐廳尾有少少戶外位，不過是晚好爆吓，就唔方便出去影相。 先講講主餐牌嘅散點菜式，十類包括前菜、手製薄餅、意大利麵、意大利飯、海鮮主菜、肉類主菜，以及多款伴菜。 當然揀佢哋嘅半自助晚市套餐計落就會抵啲，而個套餐玩法分三道菜$368、四道菜$438、五道菜$498，包括精選沙律吧、餐湯、前菜、主菜、甜品，卻唔包飲品，視乎你揀幾多道菜嚟定價，但需留意一點，揀選部分菜式喺要額外加錢嘅。 精選沙律吧先介紹過沙律吧，就設晌餐廳嘅正中央，話就話沙律吧，其實都有好幾款冷盤食物。沙律類就包括有本地有機沙律菜、茴香雞肉羽衣甘藍、紅菜頭香橙沙律，仲有多款新鮮生果，另一邊水吧位前面仲有啲紅腰豆、黑橄欖、粟米粒、麵包粒，以及四款醬汁，如乳酪香橙汁、
餐廳位於17樓全層，門面好有田園感，入到裏面感覺又截然不同，好有一種法式小館嘅感覺，裝修清雅，牆身加咗啲大玻璃鏡，增加空間感，此外，餐廳尾有少少戶外位，不過是晚好爆吓，就唔方便出去影相。
先講講主餐牌嘅散點菜式，十類包括前菜、手製薄餅、意大利麵、意大利飯、海鮮主菜、肉類主菜，以及多款伴菜。
當然揀佢哋嘅半自助晚市套餐計落就會抵啲，而個套餐玩法分三道菜$368、四道菜$438、五道菜$498，包括精選沙律吧、餐湯、前菜、主菜、甜品，卻唔包飲品，視乎你揀幾多道菜嚟定價，但需留意一點，揀選部分菜式喺要額外加錢嘅。
精選沙律吧先介紹過沙律吧，就設晌餐廳嘅正中央，話就話沙律吧，其實都有好幾款冷盤食物。沙律類就包括有本地有機沙律菜、茴香雞肉羽衣甘藍、紅菜頭香橙沙律，仲有多款新鮮生果，另一邊水吧位前面仲有啲紅腰豆、黑橄欖、粟米粒、麵包粒，以及四款醬汁，如乳酪香橙汁、蜜糖芥末籽沙律醬……等等。
小弟就一向喜歡以沙律打頭陣，開開胃納。的確幾款沙律菜都好新鮮，沙律菜咬落十分爽脆，啲紅菜頭又青甜，搭埋啲生果，以及乳酪香橙汁，真喺越食越開胃。
跟住就介紹下沙律吧嘅冷盤食物，包括有芝士盤（藍芝士、芳堤娜芝士、布里芝士）、加拿大雪場蟹腳、莎樂美腸、三文魚脆脆、溏心蛋。所以，單喺全個自助沙律吧嘅食物，都已經有啲睇頭。
都喺樣樣都揀少少嚟試，試過好食先再添都未遲。試過之後，又真喺值得翻兜，雪場蟹腳好鮮甜，幾款芝士又各有韻味，配啲果乾，味道更有個性，仲有隻溏心蛋做得好有水準，蛋黃香濃。
是日餐湯大大碗南瓜忌廉湯，仲配上一小件蒜蓉包，雖然南瓜湯唔係咩特別嘢，不過，做出嚟嘅質感好唔錯，幾滑溜，兼且南瓜味極為突出，好香甜。
南瓜忌廉湯
13 views
0 likes
0 comments
法式椰子雞湯 +$28表哥就真喺識揀，揀呢個椰子雞湯，呢個湯喺有侍應即場將清雞湯倒落碟中，湯色清而不濁，佢話飲落雞味意外地咁香濃，還帶點點椰子清香，
卻一點油膩都無，呢個就喺法式清湯嘅賣點，利用蛋白吸走啲油份，喺功夫兼心機嘢！
法式椰子雞湯
7 views
0 likes
0 comments
泰式小食拼盤 前菜揀個小食拼盤，真喺無揀錯，因為呢個拼盤根本上就喺二人份，包括有燒豬頸肉、墨魚餅、香茅雞翼、薯絲蝦、春卷同蝦片。整體嚟講，炸得甘香不油膩，豬頸肉燒得爽口，墨魚餅好彈牙，絕對唔喺溝粉貨色，雞翼醃得入味，香茅味突出，薯絲蝦亦好有特色，沾上泰式甜酸醬，更具泰式風味。
泰式小食拼盤
18 views
0 likes
0 comments
香煎蟹餅配柚子茴香沙律 +$38食泰國野，前菜嘅泰式生蝦喺代表菜式，不過表哥就話今次唔喺咁敢食生嘢，所以揀咗香煎蟹餅。切開一睇就知蟹餅真材實料，一梳梳蟹肉，而食落蟹味濃郁、鮮甜，而沙律加咗柚子汁，味道更清新。
香煎鵝肝黑松露雞卷主菜類我哋都揀咗兩款唔使加錢嘅菜式，先分享呢個雞卷，其實都有少少功夫，將雞肉捲住鵝肝並加入黑松露醬，再將外層煎香，咬落外皮甘香脆口，而雞肉幾嫩滑，中間嘅鵝肝及黑松露，令到整體味道更豐富，仲伴有少少炒蘑菇、烤薯、BB 蘆筍，都令到呢道主菜生色不少。
阿根廷紅蝦扁意粉配青檸紅蝦他他表哥未食過咩紅蝦，所以，一於點嚟俾佢試試，呢道意大利麵賣相都好精緻，比起一啲高級西餐廳一啲都唔失禮，唔單只有煎香咗嘅阿根廷紅蝦
，更做咗少少紅蝦他他，可以講係「一雞兩食」。紅蝦本身嘅蝦味好鮮甜濃郁，而且又夠爽口，質素已經贏在起跑線，扁意粉煮得啱啱好，入口好有咬口，再者，沾滿晒加入蝦膏所做嘅醬汁，豐腴芳香，並帶微微辣勁，有少少刺激感，值得推薦。
阿根廷紅蝦扁意粉配青檸紅蝦他他
10 views
0 likes
0 comments
雖然今晚 可以講座無虛席，但招呼一樣好燙貼，侍應不時為我哋添水、收碟，同埋都幾好禮貌，又問下我哋啲嘢啱唔啱食。不過，溫馨提示，用餐時間90分鐘，當然，都要視乎入座率，侍應話假如無乜客等位，坐耐少少都OK嘅。
Post
