蜆勁村盧爸爸私房菜 (Closed)

想係香港食海鮮, 除左酒樓大排檔之外, 太和有間私房菜一樣出色. 山長水遠入到新界區就係為左盧爸爸.店鋪不大, 早於幾天前已經book好星期日既飯局, 6:30pm準時到達, 店鋪內已坐滿,門口亦有客人等位. 向職員查詢booking時竟然話無我既booking!! 非常震驚, 落完booking後一天職員亦有打電話給我確認！幸好, 當晚不算太full, 職員已立即安排下一張檯比我地三個人見到餐牌樣樣都想點, 最後點了五樣扇貝即叫即蒸, 真係大過隻碗, 扇貝新鮮彈牙, 粉絲唔乾,撈埋蒜容一齊食極美味胡椒炒蟹以為係乾身, 原來加入大量洋蔥芫茜煮, 洋蔥煮到好淋, 吸晒胡椒味, 用黎送飯一流, 蟹size大隻,時間煮得岩岩好, 甜美多蟹肉, 越食胡椒味越出又不會蓋過蟹肉既鮮美滿滿既蟹膏鮮橙色, 連蟹蓋兩側都有今日時蔬係油麥菜, 菜都煮得好出色, 每一條菜都有腐乳沾住招牌炒蜆必點, 標榜所有蜆用人手清洗, 避免有沙, 果然粒粒都咁大隻又無沙, 少少辣游水青斑最後出場, 我諗有2-3斤重, 肉質肥美厚實, 蒸既時間剛好, 嫩滑餐牌上提示每道菜供2-3人用, 每道菜份量認真足料.整餐飯唯一美中不