真味鮮廚 (Closed)

剛過去端午節一家想出街食晚飯慶祝。就提議不如去食任食邊爐，真味鮮廚係家人平時大時大節都愛去，不過任食放題最近只有觀塘分店供應。分兩款價錢：肉蟹海鮮盆$238，波士頓龍蝦海鮮盆$268黎面就有任食火鍋配料，款式唔算好多，但都足夠。價錢已包括任飲，無糖茶類、汽水、韓國罐裝飲品、啤酒，仲有自家製嘅竹蔗茅根。調味區以酒樓後講都算多款,比突特色有芝麻辣菜甫及榨菜!一坐低，店員就會問你想要肉蟹/龍蝦太餐，之後就可選辣度嘅雞煲，上碟店員會幫忙攪拌，以免出現濃底情況。食完雞煲就可轉湯底準備打邊爐喇 選左沙地瓜瑤柱湯，即冬瓜瑤柱, 消暑一流。同時亦包一盆刺身盤，份量以人頭計（三文魚、磯煮鮑魚、三文魚、八爪魚、帶子）整體所有刺身都幾新鮮～主角波士頓龍蝦海鮮盆到場，我地都講笑話食晒海鮮都飽晒（波士頓龍蝦、蟶子、扇貝、龍躉頭腩、鱔片、海蝦、貴妃蚌、蜆）另外價錢已包左一碟價值$168 手切安格斯肥牛，色澤通紅，肉質軟稔有牛味。巨形水餃皇 每位有一隻，咬落超紮實，原隻蝦肉非常彈牙。飽左一半就可以食任食火鍋配料喇！必食推介：廣島蠔唔算大隻，但鮮味十足芝士竹輪卷，咬落成口溶溶芝士，超正鮮蝦滑：食得出自家製，有蝦籽同原