漁之部屋 (Closed)

媽媽鍾意食日本嘢，所以襯佢生日，一於試下屋企樓下嘅放題啦！提早訂檯仲有生日歌聽，氣氛好好！食放題又點少得刺身，刺身款式也應有盡有，包括三文魚、油甘魚、北海道帶子、松葉蟹腳、大赤蝦和赤貝等。吞拿魚刺身又滑又甜，三文魚厚切，仲有彈牙海蝦，口感一流，刺身真係無得輸！有螺肉、八爪魚、海蜇、帶子裙邊等漬物。而燒物牛舌係另一推介，好有咬口，牛味香濃！牛肉火鍋嘅湯底好香濃，而且火鍋料唔馬虎，肥牛質素唔差！仲有海膽手卷，份量小小唔會怕太飽！飲品，甜品款式多，仲有Mövenpick和Häagen-Dazs雪糕，強烈表示有下次！