Video
Read full review
2020-07-10
3514 views
兩個月多前嚟到D2 Place嘅「走肉蔬食研究所」食晏時，路經時已留意到呢一家健康餐廳「Pickabowl」，除因為門面夠醒目外，主打健康嘅夏威夷蓋飯亦喺吸引小弟望多兩眼嘅原因之一。今回就乘交收之便，約咗晌附近住嘅表姨甥女嚟呢度食飯。其實，晌門口望入去都睇晒餐廳嘅室內環境喺點，可以講喺裝修簡約，光潔明亮，而基本防疫功夫都做足。近幾日疫情好似有啲反彈，食肆有做足，心理上點都會感覺好啲。門口就有電子顯示屏餐牌，上面喺配搭好嘅指定款式，唔喺講笑，數一數，由A至S共19款，非常多元化，定價為$58-$106，「bowl」底更有多款選擇，如白飯、糙米、黃薑椰菜花……而且，仲可以追加額外食材，以及多加$25升級為套餐，多咗溫泉蛋、鰹魚昆布湯及甜品。下面個餐牌呢？就喺DIY自選，基本起錶價為$84，同樣可以追加額外食材，以及多加$25升級為套餐。此外，亦提供加配飲品優惠，如汽水（+$6）、蔬菜汁（+$12）、鮮榨果汁（+$22）。唔嗌嘢飲無問題呀，餐廳都備有淨水俾大家，供各位自由取用。其實，夏威夷蓋飯（Poke）喺啲咩嚟？餐廳內有張海報，一段淺顯嘅文字就解釋晒。簡單嚟講，就喺將魚生、蔬菜切成一小口呎
其實，晌門口望入去都睇晒餐廳嘅室內環境喺點，可以講喺裝修簡約，光潔明亮，而基本防疫功夫都做足。近幾日疫情好似有啲反彈，食肆有做足，心理上點都會感覺好啲。
門口就有電子顯示屏餐牌，上面喺配搭好嘅指定款式，唔喺講笑，數一數，由A至S共19款，非常多元化，定價為$58-$106，「bowl」底更有多款選擇，如白飯、糙米、黃薑椰菜花……而且，仲可以追加額外食材，以及多加$25升級為套餐，多咗溫泉蛋、鰹魚昆布湯及甜品。
下面個餐牌呢？就喺DIY自選，基本起錶價為$84，同樣可以追加額外食材，以及多加$25升級為套餐。
此外，亦提供加配飲品優惠，如汽水（+$6）、蔬菜汁（+$12）、鮮榨果汁（+$22）。
唔嗌嘢飲無問題呀，餐廳都備有淨水俾大家，供各位自由取用。
其實，夏威夷蓋飯（Poke）喺啲咩嚟？餐廳內有張海報，一段淺顯嘅文字就解釋晒。簡單嚟講，就喺將魚生、蔬菜切成一小口呎吋，加入飯底，配上醬汁即成，感覺有點魚生飯呢！理念喺讓人食得豐富，天然，營養均衡。
餐廳營運比較有少少快餐模式，晌門口嘅收銀枱落單，再分配一個傳呼器，一響就可以出去拎。如果有時店內唔喺咁繁忙，店員仲會主動幫手拎俾你。
慢煮天多利烤雞 $70先介紹小弟嘅選擇，指定款式嘅蓋飯有唔少都加入咗亞洲元素，而我揀嘅呢個就明顯喺加入印度元素。除慢煮天多利烤雞外，仲有大量青瓜粒、車厘茄、蟹籽及中華沙律，色澤艶麗，飯底選上黃薑椰菜花配糙米飯。
慢煮天多利烤雞
$70
21 views
0 likes
0 comments
佢哋嘅糙米飯唔會好硬，因為糙米跟白米佔嘅比例唔太高；而啲黃薑椰菜花軋碎晒，口感有啲似小米。
升級套餐 +$25上文都講過可升級轉為套餐，包溫泉蛋、鰹魚昆布湯及甜品，隻溫泉蛋真喺幾掂，一篤開蛋黃澎湃咁湧流，撈飯就最正。
而鰹魚昆布湯味道比較清，反而欣賞湯內嘅豆腐粒，非常滑溜，又有豆香。
甜品我哋兩個都唔同，一款喺柑味布丁，另一款喺焦糖布丁，小弟揀前者，啲柑味勁突出，布丁嘅質感亦十分軟綿。表姨甥女話佢嘅焦糖布丁睇落好似平平無奇，查實啲焦糖晌晒底，布丁又有蛋味。
夏威夷四重奏 $106表姨甥女就揀咗兜勁嘢，點勁？咪勁豐富雖，飯面有辣味三文魚、經典吞拿魚、泰式熟蝦、牛油果，仲夾雜啲菠蘿粒、青瓜粒、甜椒、生菜……等等，飯底選咗白飯配黃薑椰菜花，同樣砌到一大碗，色彩繽紛亮麗。由於小弟無試，就不便評論，但聽佢分享，魚生新鮮，熟蝦爽口，牛油果夠晒熟，非常好食，更大讚清爽怡人，仲十分飽肚添。
蜜桃汁、蘆薈樂 +$6 / 支本來都無打算嗌埋嘢飲，因為升咗級，有湯飲，但見只喺+$6，所以，就揀咗兩罐特別啲嘅。小弟飲蜜桃汁，味道清甜，而且，仲帶有少少果肉，又真喺幾唔錯喎。
食完之後，仲有啲手尾，自用餐盤自已執，如方便，店家都鼓勵客人幫忙收拾，晌餐廳尾，就會見到個餐具收集處，依家都幾多店家會咁做，上次晌「走肉蔬食研究所」都一樣喺咁。
近排唔使講，大家都覺得天口熱，郁啲都上到32°C、33°C，食呢個夏威夷蓋飯就最爽，既清新，又健康，最緊要味道亦喺唔錯，所以，值得褒獎！
Post
