德國熱狗 (Closed)

經常會到勝利道睇寵物嘅我，每次睇完之後都必定會到呢間熱狗店食嘢。我鍾意幫襯呢間熱狗店嘅原因好簡單，因為佢哋賣嘅熱狗好味之餘，價錢亦都大眾化，而且店員對客人嘅態度好親切，差唔多次次去幫襯，都會聽到d店員同街坊傾計。今日我就叫咗個1號餐 肉醬熱狗加薯餅（或可選薯條)，＄30肉醬熱狗比我想像中好味得多，麵包超級鬆軟又夠熱；肉醬份量都好多下配埋茄汁增加左肉醬嘅甜度至於腸仔就係一般嘅廚師腸，其實都唔差嘅，不過如果係脆皮腸就更加好喇。另外，我自己都好鍾意食呢間鋪頭嘅薯餅。每一次食嘅薯餅又或者薯條，水準如一夠熱夠脆，亦都感覺到d薯仔好新鮮，質素比麥當勞嘅薯類產品高幾班。