Video
Read full review
2021-05-23
415 views
最近好鍾意捐窿捐罅去啲山旮旯渺無人煙嘅地方食好西，其實呢間餐廳係我上個月托朋友幫手先食到嘅餐廳 ，其他朋友仔試過要早起碼半個月至一個月預訂先先有位㗎。不過我聽佢哋嘅評價係好壞參半，唔知係轉左餐牌嘅問題，定係其他原因，我果次個體驗其實都唔錯架！呢間餐廳個環境真係超靚，唔怪得咁多人選擇去做證婚或者結婚嘅場地。餐廳嘅環境都好開揚，一片藍天白雲同埋綠地，仲有火車間唔中經過，感覺真係唔似喺香港好寫意！我哋一行幾人今次去咗食佢嘅午市套餐，佢哋今日嘅餐湯係南瓜湯，口感都幾柔滑，味道不過不失啦。佢嘅肉眼扒好高質，牛肉香味好出好濃厚，配搭返重口味嘅黑椒醬汁真係相得益彰。肉質都好林好容易咬開，牛肉嘅側邊有焦香嘅味道，可以食到唔同嘅質感呢點我覺得做得好好。另外大啡菇超級多肉汁，唔會有臭青味，份量都好大份，以我呢個大食積來講我都覺得好飽。我朋友叫嘅挪威三文魚配美國蘆筍扁意粉，三文魚有牛油香冇腥味，入口唔使咬好快溶，成個菜式都比較清淡，如果唔鍾意重口味嘅你我覺得都值得試吓。我最推薦嘅係佢嘅香煎盲曹魚，一上枱嗰陣佢嘅份量連我都嚇親，超大份！魚肉肉質結實，佢嘅表皮煎到好香脆有鹹香味，啖啖肉無骨，連我呢啲平時好少食魚
呢間餐廳個環境真係超靚，唔怪得咁多人選擇去做證婚或者結婚嘅場地。餐廳嘅環境都好開揚，一片藍天白雲同埋綠地，仲有火車間唔中經過，感覺真係唔似喺香港好寫意！
我哋一行幾人今次去咗食佢嘅午市套餐，佢哋今日嘅餐湯係南瓜湯，口感都幾柔滑，味道不過不失啦。
佢嘅肉眼扒好高質，牛肉香味好出好濃厚，配搭返重口味嘅黑椒醬汁真係相得益彰。肉質都好林好容易咬開，牛肉嘅側邊有焦香嘅味道，可以食到唔同嘅質感呢點我覺得做得好好。另外大啡菇超級多肉汁，唔會有臭青味，份量都好大份，以我呢個大食積來講我都覺得好飽。
我朋友叫嘅挪威三文魚配美國蘆筍扁意粉，三文魚有牛油香冇腥味，入口唔使咬好快溶，成個菜式都比較清淡，如果唔鍾意重口味嘅你我覺得都值得試吓。
我最推薦嘅係佢嘅香煎盲曹魚，一上枱嗰陣佢嘅份量連我都嚇親，超大份！魚肉肉質結實，佢嘅表皮煎到好香脆有鹹香味，啖啖肉無骨，連我呢啲平時好少食魚嘅都超級鍾意！
總括嚟講呢間餐廳我覺得唔算平，不過配合返食物嘅質素同埋風景我覺得值回票價。食完之後啱啱好去到下午茶嘅時間，門口已經大排長龍好多人排隊！我自己好推薦大家去試吓，不過記得要預早book位啊！
Post